كتب محمد ابراهيم له عدة دواوين نالت على إعجاب الكثير من الأشخاص؛ حيث يتميز بأسلوب مبدع وقريب من القلب له قدرة كبيرة علي وصف مشاعرنا واحساسنا، محمد إبراهيم من مواليد عام 1992 من مدينة المحلة الكبري، نوضح لك عزيزي القارئ في هذا المقال أجمل كتب محمد ابراهيم الشاعر تعرف على الأكثر مبيعاً.
Table of Contents
1- سبع سنبلات
سبع سنبلات– يعتبر كتاب سبع سنبلات من أجمل كتب الشاعر محمد إبراهيم لأنه لفئة معينة موجود في حياتنا.
– نبذة عن الكتاب: كلنا عندنا الناس اللي بتجرح فينا بكلامهم وتقلل من كل اللي بنعمله ومهما عملنا برضو مش هنعجب ومش هيشوفوا فينا غير الوحش، عشان دول ناس عايشين يحاربونا نفسياً وخلاص.
– للأسف دول أخطر من المنافقين والكدابين، محبطين وممكن يقفلوا اليوم والحياة كلها.
– لو صادفت الأيام وقابلت حد منهم أطرده فورًا من حياتك ونهائيًا، أوعي تسيبه في تفكيرك أو في أيامك دقيقه واحدة.
– ولو مضطر تتعامل معاه فاعتبره بيخرف، اتعامل معاه علي انه مش موجود، هو بيتغذى علي انعدام ثقتك في نفسك و تصديقك لكلامه، إنما طول مانت مش مصدقه عمره ما هينتصر عليك أبداً.
2- تفاصيل الوحدة والونس
تفاصيل الوحدة والونس
– هذا الكتاب إهداء إلى كل الهربانين بالوحدة والنوم والغياب، إهداء لمرضى الاكتئاب، ولكل واحد عنده فوبيا من البشر
– ولكل واحد عنده أعراض انسحاب علي فكرة عادي متقلقوش، الوحدة مُمكن تبقى باب، إهداء لكل اللي اتعمل ولكل إحساس بالأمَل.
– ولكل بُكره هيبقى أحلى من اللي فات، ولذكريات، ولعمر عدَّى بدون ما روحك بيه تحِس، ومشيت طريٌق ورجعت منه وحيد وبَس، أول طريق الدنيا هتعيش وحدتك آخر طريق الوحدة دايمًا فيه وَنَس.
3- اطمني
اطمني
– يعتبر من الكتب القريبة من القلب فهو يخاطب كل شخص.
– نبذة عن ديوان اطمني: متخافيش مش جاي أسيبلك جرح وامشي ولا جيت عشان أفضل يومين وأبعد سنة أنا جيت عشان مافضِلش في حياتي إلا أنا جيتلك وعارف يعني إيه “وحدة”.
– جيتلك وعارف يعني إيه “حرمان” وإزاي فيه ناس بتموت من الأحزان وإزاي فيه واحد قال وحشتيني من غير ما واحدة تقوله “وانت كمان”، وازاي فيه واحد بَنى وازاي في واحد هَد.
– هتخافي مني إزاي وأنا قلبي باب مفتوح ده أنا حتى وأنا مجروح ماعرفتش أجرح حد.
أيامنا الحلوة
– يعد هذا الكتاب من أجمل كتب محمد ابراهيم تم إهدائه لكل شخص لأيامنا الحلوه إلا بنتمني أنها ترجع.
– هذا الكتاب إهداء لكل اللي بيدور علي نفسه، للي عايز يشوف حياته كمان ١٠ سنين ممكن تبقي عامله ازاي، للي ليه صحاب كتير وبرضو اللي معدش فاضله إصحاب.
– لحكايات الحب القديمه و الصحوبيه و العيش و الملح والذكريات اللي متتعوضش، لشقاوة الطفولة وذكريات المدرسه وتفاصيلها وأيام الجامعه اللي مش هتتنسي.
– لمصيف العيله و سهرات بيت الجده وليالي العيد واحنا عيال ورمضان بتاع زمان.
– لشرايط عمرو دياب القديمه ولمحمد فؤاد اللي غنى ” الحب الحقيقي “، لصعيدي في الجامعه الأمريكيه وهمام في أمستردام و كل أفلام هنيدي اللي شكلت طفولتنا.
– للحياه قبل زحمة السوشيال ميديا و الموبايلات اللي خدتنا من بعض، الكتاب ده من القلب للقلب هو إهداء لأول كل حاجه حلوه و للأيام اللي هنعيش باقي حياتنا بنتمني نرجعلها تاني.
– الأيام الحلوة الأيام اللي كنا فيها بنضحك و بنفرح و بنحلم ببراءه و بنعمل كل حاجه من قلوبنا بجد.
– يمكن تحميل كتاب ايامنا الحلوة من خلال الضغط هنا.
5- واتقابلنا
واتقابلنا
– الديوان دا لكل واحد اتوجع وما قالش وحب وما طالش للعشمانين في الله واللي مستنيين معجزة تحصل تغير كل حاجه.
– للطيبين جدآ للي لما بيحبوا بيقعوا على وشهم، للي بيحبوا من غير فرامل.
– الكتاب للي اتربوا على الفراق باحترام وعرفوا إن النهايات أخلاق، للي لسه عندهم أمل ومستنيين علامة من ربنا تطمنهم وتقولهم ” متخافوش.. الجاي خير “.
– للي عندهم فوبيا من الدخول في علاقات جديدة عشان ما يتوجعوش تاني.
– للي لسه قلوبهم بيضا وبيصدقوا اي حاجه تتقال قدامهم، للناس اللي ما بتعرفش تحكي ولما تحب تقول حاجه بتبعت لبعض أغاني.
– للناس اللي يتحبوا زي ما هما، للناس اللي ماتحاولش تفهمهم لأنهم هما مش فاهمين نفسهم أصلا، للناس اللي شبهي.
– يمكن تحميل كتاب واتقابلنا من خلال الضغط هنا.
لما كنا
– أهدى الكاتب محمد إبراهيم هذا الكتاب إلى المزاجيين اللى زى حالاتى اللى بيهربوا بالنوم و اللى بيضحكوا علشان يخبوا.
– اللى بيعملوا كل حاجه من غير فرامل بيحبوا للآخر وبيدوا كل الفرص الممكنه؛ عشان لما يمشوا ميبصوش وراهم.
– إلى الطيبين جداً اللى لسه بيصدقوا الناس أو بيعملوا مصدقين عشان ميكسفوش حد.
– الى الناس اللى طول الوقت خايفه مش عارفه خايفه من ايه وزعلانه عشان زعلانه وخلاص.
– الناس اللى لو كسبتهم تبقى كسبت ضهر فـ ضهرك للأبد.
– يمكن تحميل كتاب لما كنا عند الضغط هنا.
7- زي الأفلام
– ديوان زي الأفلام إهداء الى كل الحاجات اللى فرطنا فيها وكل الحاجات اللى خلصت قوام.
– لنظره فـ وداع اللى كانوا فـ حياتنا ودخلوها صدفه و خرجوا بسلام، لكل اللى كان نص تانى و شاركنا فـ جد و هزار و انتظار و اشتياق لكل اللى قالوا هنفضل معاكوا وغابوا وسابوا الحنين و الفراق.
– لكل اللى عايش عشان حد تانى لكل اللى كان نفسه اصلا يعيش لكل اللى ساكت ولو قولت مالك يكون فيه ولكن يقولك مفيش.
– لكل اللى تبتنا فيهم بذمه وكل اللى حطونا بين ” أو و إما ” وكل الحاجات اللى كانت مهمه لكن بعد فتره بقت متساويش.
– يمكن تحميل كتاب زي الأفلام عند الضغط هنا.
فلوماستر أبيض
– يعتبر ديوان فلوماستر أبيض من الدواوين التي نالت على إعجاب الكثير، كان هذا الديوان الأكثر مبيعاً في عام 2014 بمعرض الكتاب.
– يمكن تحميل ديوان فلوماستر أبيض عند الضغط هنا.
9- الحزن البعيد الهادي
الحزن البعيد الهادي
– كان هذا الديوان الأكثر مبيعاً في معرض الكتاب لعام 2015.
– نبذة عن الكتاب: انا عايز اهرب من الشارع م الناس م الدوشة واى زحام انا عايز اهرب من التفاصيل م الليل والظلمة.
– ومن الاحلام من كل الحزن المتدارى من كل الوجع التكرارى من كل الصمت الاجبارى والخوف الخام انا عايز انام يمكن انسى انا عايز انسى يمكن انام.
10- مطلوب حبيب
مطلوب حبيب
– يعتبر كتاب مطلوب حبيب من أجمل كتب محمد ابراهيم حاز على أفضل كتاب لعام 2016.
– نبذة عن الكتاب: الأشياء التي تجعلنا نكبر يمكنها أن تجعلنا نصغر الأمر كله رهن ٌبحكمة التجربة، الحُبُّ الذي لا يكسرك يقويك، والألم الذي يهدّك يبنيك
– نحن مجموعة من التجارب نبتت في أرض أهلكها التخبُّط، كل ما علينا فعله أن ندّخِر لأوقات الوحدة بعضاً من الوَنَس.
– وللحظات الاكتئاب قليلاً من الأمل، ولحالات الحزن كل ما يمكننا من المثابرة، ولكل الأيام الكثير من الإيمان ربما يمكننا النجاة بأنفسنا وبمن نحب.
– يمكن تحميل كتاب مطلوب حبيب عند الضغط هنا.
اقرأ أيضاً: من هو شعيب راشد؟ معلومات لا تعرفها عن مقدم برنامج سوار شعيب
محمد إبراهيم
– شاعر وكاتب مصري من المحلة الكبرى، تخرج من كلية تجارة.
– له عدة دواوين شعر بالعامية، جميعها لاقت إقبال كبير عند الجمهور.
– في عام 2016 ألف كتاب مطلوب حبيب وحصل على جائزة أفضل كتاب لعام 2016 ؛ وذلك في استفتاء مؤسسة الأهرام للشباب.
– تم تكريمه من قبل الأكاديمية البحرية ومن جامعة الأهرام الكندية.
