قصص اطفال قبل النوم مكتوبة بالعامية
قصص أطفال منوعات

أفضل قصص اطفال قبل النوم مكتوبة بالعامية ممتعة 2021

Read Time5 Minute, 57 Second

قصص اطفال قبل النوم مكتوبة بالعامية ، رواية  القصص للأطفال من العادات القديمة التي تساعد على تنمية الطفل؛ حيث تزيد من قدرته على التخيل وتنمي ذكائه وتساعد على التعلم فهي وسيلة تربوية لتعيلم الطفل، يجب على كل أب وأم أن يختاروا قصص لأبنائهم مفيدة وهادفة وأن تكون أيضاً مسلية ومشوقة حتى يستمتع الطفل، نوضح في هذا المقال قصص اطفال قبل النوم مكتوبة بالعامية .

أفضل قصص اطفال قبل النوم مكتوبة بالعامية 2021

قصة الطفلة اليتيمة

قصص اطفال قبل النوم مكتوبة بالعامية
قصة الطفلة اليتيمة

– كان فيه طفلة اسمها “حنان كانت فرحانة قوي عشان عيد الأم قرب واشترت هدية لمامتها وجدتها، وكانت بتتكلم عن الهدية مع كل الجيران والأقارب.

– وفي يوم  جاءت امرأة قريبتهم تزورهم ومعاها طفلة صغيرة، فقعدت قريبتهم مع أم حنان والجدة، وذهبت البنت الصغيرة مع حنان إلى اوضتها حتى يلعبوا.

– بعد دقائق خرجت البنت الصغيرة وهي زعلانة وبتبكي، وكانت بتقول عايزة أروح وأمشي من البيت دا.

-استغربوا وسألتها الجدة عن اللي حصل، بس البنت قعدت تبكي وأصرت أنها تذهب فأخذتها المرأة وتركوا المنزل.

– نادت أم حنان على بنتها وسألتها “إيه اللي حصل يا حنان؟”، فردت حنان “معرفش يا ماما، هي اللي عيطت لوحدها لما كنت بفرجها على الهدية اللي جبتها لك في عيد الأم”.

– فالأم بصت لها وقالتلها “لازم تتعلمي إنك ما تتكلميش كتير قدام اى شحص لأنك ما تعرفيش ظروفه، البنت الصغيرة ده يتيمة، ومعندهاش أم عشان تشتري لها هدية”.

– زعلت حنان وندمت على الكلام اللي قالته قدام البنت اليتيمة، فقربت جدتها منها وقاتلها “تعالي يا حنان هحكيلك قصة هتفيدك قوي”.

بعد ذلك

– وبدأت الجدة تحكي القصة وقالت “كان يا ما كان، كان فيه بنت صغيرة طلبت من أمها تعملها  شال من الصوف عشان يحميها من البرد، ووعدت الأم بنتها إنها تعملها الشال في أقرب وقت.

– وفي يوم جت صديقة البنت عشان تذاكر معاها، فالبنت قالت لصحبتها “خلي مامتك تعملك شال صوف زي اللي ماما بتعملهولي.

– أنا ماما هتعملي شال جميل وهغيظ بيه كل أصحابي، وقعدت تضحك، لكن صحبتها نزلت رأسها في الأرض وقالت بحزن” أمي ماتت من 3 شهور”.

– البنت أحرجت جدًا لأنها ما كنتش تعرف إن أم صحبتها متوفية، وحاولت تغير الكلام وبدأت  تتكلم عن المذاكرة، أم البنت سمعت كل الكلام اللي دار بينهم وهي بتعمل الشال الصوف.

– بعد أيام كانت البنت بتذاكر مع صحبتها دخلت الأم وعلى وشها ابتسامة جميلة، وقالت لبنتها “عندي ليكي مفاجأة حلوة، أنا خلصت الشال، وأخرجت الشال من ورا ضهرها.

– حضنت البنت والدتها وهي بتقولها “جزاكي الله خيرًا يا أمي انتي تعبتي عشان تعمليلي الشال الجميل دا”.

– قربت الأم من البنت اليتيمة وقالتلها “وانتي يا حبيبتي عملتلك شال أجمل بكتير”.

– فرحت البنت جدًا وكان على وشها علامات الدهشة، فأخرجت الأم الشال من ورا ضهرها وقدمته للبنت اليتيمة وقالتلها “دا الشال بتاعك يا حبيبتي، وانتي زي بنتي بالضبط”.

– وأول ما البنت سمعت الكلام ده فرحت جدًا وعيطت، وحضنت الأم البنت وقالت لها ” لو احتاجتى اى حاجة اطلبيها مني، أنا زي مامتك بالضبط”، وخرجت الأم من الاوضة وهي سعيدة جدًا؛ لإنها فرحت قلب البنت اليتيمة.

– وأول ما الجدة خلصت الحكاية بصت لعيون حنان لقيتها حزينة عشان اللي عملته مع البنت الصغيرة.

– اتعلمت حنان من هذا الموقف إنها تراعي مشاعر الأشخاص ومتتكلمش كتير وهي مش عارفة ظروف الشخص اللي بتتكلم معاه، وطلبت حنان إنها تتصل بالبنت اليتيمة وتعتذر لها”.

قصة الثلاث حبات

قصص اطفال قبل النوم مكتوبة بالعامية
قصة الثلاث حبات

– كان فيه حطاب فقير عايش مع والدته في كوخ صغير، وكانت الناس بتحبه لأنه كان رجل طيب ومحترم.

–  في يوم من الأيام صحي الحطاب من النوم وارتدى ملابسه وحمل أدواته وراح للغابة عشان يبحث عن الحطب.

–  بعد ما وصل للغابة لقى رجل عجوز واقف تحت الشجرة، فسأله “إنت بتعمل إيه لوحدك هنا؟”.

– سكت العجوز وبص للحطاب وقاله “ممكن تجيب لي أشرب، الحطاب رجل طيب ويحب يساعد الناس لذلك ذهب بسرعة إلى البير الموجود في الغابة، وقال للعجوز “اتفضل”.

– شرب العجوز وشكر الحطاب وأعطاه ثلاثة حبات من القمح، فاندهش الحطاب وقال “وأنا هعمل إيه بحبوب القمح ده؟”.

– رد العجوز وقاله “متستغربش، ده الحبة منهم بتشفي من أي مرض ملوش علاج”، ثم اختفى العجوز.

– أخذ الحطاب الثلاث حبات ومشي في طريق ميعرفوش، لحد ما لقى نفسه فى بلد غريبة ميعرفهاش.

– عند تجوله في الشوارع سمع أشخاص بتقول إن الملك أصيب بالعمى وأعلن عن مكافأة 100 جمل محملة بالذهب للشخص إلا يشفيه، ولكن اللي هيحاول ويفشل في شفاؤه فالملك هيقتله.

– تذكر الحطاب الثلاث حبات فقرر الذهاب للملك، ولما دخل عليه قاله “أنا جاي اشفيك من المرض اللي عندك”، فرد عليه الملك “لو فشلت هقتلك”.

– وافق الحطاب وأعطى الملك حبة من الحبات الثلاثة فشفي الملك وأمر جنوده بإعطاء المكافاة للحطاب.

–  بعد خروجه من القصر ذهب في طريقه فوجد كلبة عمياء ومعها أبنائها فرمى لها حبة من الحبات التلاتة فشفيت.

– قال الحطاب لنفسه “أنا كدة معايا حبة قمح واحدة، هعمل بيها إيه”، وهو ماشي في
طريقه هجم عليه بعض قطاع الطرق كانوا عايزين يسرقوه، لكن الكلبة اللي عالجها الحطاب جريت بسرعة وأنقذته منهم.

– كمل الحطاب طريقه لحد ما وصل لوالدته الفقيرة ووجدها جائعة وتتألم من ألم في عينيها، فأعطاها الحطاب حبة القمح الباقية فشفيت وعاشوا مع بعض في سعادة.

قصة الأميرة دوددا

قصص اطفال قبل النوم مكتوبة بالعامية
قصة الأميرة دوددا

– دوددا كانت بنت ذكية وجميلة جدًا  وكانت عايشة في بلد هادية وبسيطة يحبها الناس لأنها رقيقة وجميلة ولكن البعض الآخر بيغيرو منها.

– كانت دوددا بتعمل ايس كريم في محل موجود علي أول البلد، وكل الناس كانت بتشتري منها.

– وفي يوم مر الملك بتاع البلد عليها وكان راجل شرير، وقالها “عايز آيس كريم” وهي متعرفش هو مين.

– بعد ما أكل الآيس كريم عجبته جدًا وقال “هاتوا دوددا هنا تعمل لي أنا لوحدي الآيس كريم”.

– راحت دوددا ولما عرفت رفضت وقالت “أنا بعمل الايس كريم للناس كلها عشان يفرحوا”،
لكن الملك رفض وحبسها لحد ما توافق.

– بدأت الناس تدور على دوددا في كل مكان وهما ما يعرفوش إنها محبوسة، لحد ما في
يوم قررت خدامة من القصر إنها تقول الحقيقة  لأهالي البلدة.

– الناس كلها عرفت اللي حصلها وإنها رفضت إنها تعيش في القصر علشان بتحبهم وعايزة
تفرحهم.

– اجتمعوا كلهم وقرروا يهجموا على قصر الملك وبالفعل ذهبوا وخلصوا دوددا منه.

– ورجعت تاني دوددا تعمل الآيس كريم لكل الناس وفرحتهم كلهم وعاشت البلد في أمان وسلام.

قصة الثعلب الماكر

قصص اطفال قبل النوم مكتوبة بالعامية
قصة الثعلب الماكر

– في يوم من الأيام اجتمعت حيوانات وطيور الغابة يشتكون لبعضهم من إيذاء الثعلب الماكر.

– فقالت الأرنب إنه بيطاردنا في كل مكان ومبنعرفش نبحث عن طعامنا، وقالت الطيور إنه أكل أطفالنا ودمر أعشاشنا، وبدأ كل حيوان يشتكي من الأذى اللي سببه له الثعلب الماكر.

– ففكرت البومة في حيلة ذكية تخلصهم من الثعلب، وطلبت من الحيوانات أن ينفذها واحد منهم، فقال الأرنب “أنا سانفذ الخطة”.

– ذهب الأرنب للمكان اللي بيقعد فيه الثعلب، وحاول يستفزه، وقاله “إنت بقيت عجوز وحركتك بطيئة مش زي الأول”.

– تضايق الثعلب من كلامه وقاله “هنشوف أنا هعرف أمسكك و اكلك ولا لأ”، وجرى الأرنب والثعلب يجري وراه.

– دخل الأرنب في حفرة حفرتها الحيوانات من الناحيتين عشان تكون فخ للثعلب، وبعد ما دخل الثعلب الحفرة ورا الأرنب.

– قفل الحيوانات باب الحفرة وراه ولما خرج الأرنب من الناحية الثانية، قفلوا الفتحة الأخرى وبكدة حبسوا الثعلب لحد ما مات من الجوع.

 مواضيع اخرى قد تهمك:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
ايمان البشير
خريجة بكالوريوس خدمة إجتماعية، مهتمة بمجال المرأة والسياحة والصحة والديكور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *